2023 жылғы 3 қарашада Астана қаласының Қалалық психикалық денсаулық орталығының базасында Йель университетінің Медицина мектебінің (АҚШ) делегациясының, АҚШ Колумбия университеті жанындағы «Орталық Азиядағы жаһандық денсаулықты зерттеу орталығы» ғылыми-зерттеу орталығының, ҚР Денсаулық сақтау министрлігінің, ҚР ДСМ Республикалық психикалық денсаулық ғылыми-практикалық орталығының, Астана қаласы Қоғамдық денсаулық сақтау басқармасының, Астана қаласы әкімдігінің Қалалық психикалық денсаулық орталығының өкілдерінің қатысуымен Йель университеті мен ОАЖДЗО командасының Қазақстан Республикасына жұмыс сапары шеңберінде «Орталық Азиядағы опиоидты агонистермен қолдау терапиясын кеңейту» бағдарламасы бойынша опиоидты агонистермен қолдау терапиясы (бұдан әрі – ОАҚТ) мәселелері бойынша жұмыс кездесуі өтті.
Кездесуде Қазақстанда, Қырғызстанда және Тәжікстанда ОАҚТ ауқымын оқыту, тренингтер өткізу, «Тәуелділікті емдеуді жақсарту желісі (ТЕЖЖ)» моделін пайдалануда Қазақстанның ұлттық нарколог-сарапшыларын фасилитациялау және қолдау, сондай-ақ Орталық Азияның үш елінің наркологиялық қызметтерінің өңірлік бірлескен оқуы мен ынтымақтастығы арқылы кеңейту мәселелері талқыланды.
Warning: No images in specified directory. Please check the directoy!
Debug: specified directory - http://gcpz.kz/images/2023news/03.11